Og alle sokkar deler seg...

Kva er det med sokkar? Kvifor må dei alltid vera så fordømt kranglete? Hos oss verkar det som om alle sokkane er uvenner. Så snart dei har sjansen så skiller dei lag. Er dei klar over kor ekstremt irriterande dette er for den som er sokke-ansvarlig-i-heimen?

Hos Familien Fryd er det "ho sjølvaste" som er ansvarlig for sokkane. It sucks! (Eller socks kanskje...) Herr Fryd har 396 svarte sokkar, dvs at i teorien skal det vera 198 par svarte sokkar, alle med ein ør-liten design forskjell. Er det så himla vanskelig å kjøpa like, eller? Sidan det å para sokkar er noko av det minst kjekke Frøken Fryd gjer, så hoper det seg fort opp. Så det blir type skippertak, kvar.enda.gong.

Så var det Fryd Brødrene da... Dei likar best kvite tennis sokkar, av merke Nike, Adidas, Umbro og Puma. I tillegg så har me fotball strømpene... svarte og raude, sjølvsagt i ulike merker, men desse skal eg ikkje ta opp i dag. Forøvrig mistenker eg Fryd Brødrene for å gå til og frå skulen uten sko, berre for at desse kvite tennissokkane skal verta så ekstremt skitne som berre mulig. Skiten kjem i alle fall ikkje frå vårt hus, for her er det gnistrande reint til ei kvar tid. Dette veit alle som kjenner oss... not...

Dei omtalte tennis-sokkane er i alle fall uvenner. Når me har vaska (eventuelt-kokt-så-dei-skal-få-eit-hint-av-kvitt-i-alt-det-grå-svarte-under) dei kvite sokkane så kjem det alltid ein stk. Adidas, ein stk. Umbro, ein stk. Nike og ein stk. Puma ut av maskinen, alle i forskjellige størrelsar alt etter kva for ein bror dei tener. Her må nok Frøken Fryd gå inn med stål hånd og kreva at me held oss til eitt merke og ein størrelse, thank-you-very-much! Då skal dei få seg ei utfordring, moahahahahahaaa. Og minste Fryd'en kan gå med knesokkar, med hælen midt på dei tynne leggene sine... Då skal eg para med friskt mot og gje bengen i om dei kom frå samme par, eller far.

Frøkna sjølv er kanskje den som er den aller største syndaren når det gjeld å kjøpa ulike sokkepar, faktisk. Det var ein litt brutal oppdagelse. Men ho har prikkete, stripete, einsfarga, to farga og til og med tre farga sokkar. Ingen av dei er særlig samarbeidsvillige. Frøkna har ein liten teori om ein konspirasjon, ein konspirasjon mellom den hekkans vaskemaskinen og sokkane. Og gjerne dynetrekk og sokkane også. Når eg endelige har slept taket i å gjenforena eit par, og hiv den stakkaren som ligg aleine i korga så kan du ta-deg-i-hekken på at då dukker rømlingen opp i hjørnet av eit dynetrekk. Hånflirer og løfter avtrykket av den midterste tåa i fleisen på Frøken Fryd; "Got yah again, socker!" Og som den sarte, uskuldige lille blomsten eg er så mister eg pusten av slik frekkhet. Makan altså...

Men eg gir meg ikkje. Eg står på, parar sokkar og tar sokke-fornærmingane med stoisk ro, som den tålmodige dama eg er. Som ein bauta. Blir aldri sint. Blir aldri stressa. Brukar aldri ufine ord. That's me! Eller ikkje... Håper at dette sokke-raseriet mitt ikkje skremmer vekk nye lesarar, eg har med stor glede merka meg at det kikkar innom nye profilar, og då blir eg så glad :-) Så glad at eg med letthet hever meg over sokkar som deler seg. Velkommen skal dåke vera!

Er det kun Fryd Familien som har problem med sokke deling, eller?