Om å fjerne ting & tang...

Som dei fleste andre kriminelle beheld Frøken Fryd minner om sine ugjerningar,
desse nydelige syrinene har Frøken Fryd stjåle heilt sjølv.
Heng dei utanfor gjerdet er det lov. Ja?

Frøken Fryd har ikkje fjerna ting... ho har fjerna hår...
(blei berre litt voldsomt å ha det i overskrifta)
Jepp! Sånn der uønska hårvekst, du veit.
Det var tilbud på å fjerne hår frå armhuler og bikinilinje med laser.
Alle veit at tilbud betyr å spare pengar. Og sparer du pengar så tener du pengar. Alltid. Så då MÅ ein jo berre bestilla time. Alltid.
(Ikkje noko å seia på logikken her ...)

Som sagt så gjort. Frøken Fryd fekk time.
Ho søkte forsiktig informasjon av venner og kjente i forkant.
Fjerning av hår med laser... Gjer det vondt liksom?
Kor vondt KAN det gjera da?
Frøken Fryd har tross alt født barn. Heile to stykker.
Frøken Fryd har fjerna hår med voks. Fleire gonger.
Frøken Fryd har til og med tatovert seg. Fleire gonger.
(Me snakkar ikkje flammer på halsen eller sleeves her altså...)
Kor vondt kan det vera å fjerna nokre usle hårtuster med laser då?

Frøken Fryd stilte med åpent sinn og nyvaska kropp.
(Ny skrubba. Skrubba! Skrubba! Skrubba! Underlivsundersøkelse skrubba...)
Skreiv inn personalia og blei tatt i mot med åpne armar og fine smil.
Så langt, alt vel!
Dama som skulle avhåre Frøken Fryd var mild og snill og hadde kjent dialekt.
Praten gjekk uanstrengt og fint om ufarlige ting, eventuelt tang.
Frøken Fryd la seg på benken, løfta armen og behandlinga starta.

Åfyyyfaenihelvete!!! Det var faktisk ganske vondt...
Og for å seia det mildt - det vart ikkje betre når me kom dit sola aldri skin.
(Og me snakkar kun bikinilinje her altså, men Frøken Fryd har så store lår at sola skin aldri på den heller)
Til mine litt sartare lesarar så siterer eg ein av Storebror Fryd sine høflige kamerater;
"Eg beklager språkbruken min!"
(Han såg ikkje at Frøken Fryd stod bak ei bokhylle og sneik... Frøken Fryd lærte ikkje nett nye gloser så det var helst finslig banning ja...)

Men, kven hadde trudd at Frøken Fryd var ei sånn ei store pysa?
Ikkje Frøken Fryd sjølv i alle fall...
Singleten var heilt fuktig på ryggen etterpå, og den benken kjem aldri til å bli heilt seg sjølv igjen.
Den har nok eit permanent Frøken Fryd avtrykk i skumgummien etter at Frøken Fryd prøvde på ein inn-i-seg-sjølv-opplevelse medan hårfjerninga pågjekk på dei mest sarte punktene. Samtidig så prøvde Frøken Fryd å halda samtalen i gong, muligens ein smule hektisk ja...
Det å pusta er ein fin ting, og ein heller nødvendig ting sånn reint generelt sett, men også jysla praktisk når ein prøver å føra ein uanstrengt samtale. Ein forutsetning vil eg rett og slett påstå.

Sånn alt-i-alt så er Frøken Fryd fornøyd altså!
Me tåler ein liten trøkk, eller nokre svidde hårsekker.
Alt for å sleppa å bruka høvelen.
Permanent hårfjerning står fortsatt på lista for "ja takk" hjå Frøken Fryd.
Så det blir ny time i august, då litt meir forberedt med pusteteknikk & di...

Har du fjerna noko med laser?
Ein arm, eller ein fot? Eller kanskje litt hår?

Frøken Fryd tok forresten å fjerna nokre syrinblomar som hang over eit gjerde.
(Ikkje med laser riktignok. Men det hadde jo vore skikkelig stilig da, litt sånn Star Wars. Og med den bikinilinja så stiller Frøken Fryd med letthet opp i Prinsesse Leia sin gullbikini...)
Vel, eigerane er nok skikkelig takknemmelige for at Frøken Fryd ordner opp når dei sjølv er så dødslate at dei lar syrinene henga over gjerdet.

Kontorfingranes skrekk!

I dag har Familien Fryd hatt opprydding i deler av hagen og på terrassen.
Både Herr Fryd og Frøken Fryd er kontorrotter.
Og i dag, i dag har det vore kontorfingranes skrekk...!

Det var litt sol, litt overskya og litt regn.
Dei mjuke, jomfruaktige kontorfingrane hylte av skrekk når Frøken Fryd hylte av fryd og grafsa i jorda.
Løvetenner flagra rundt øyrene, gamle blad og anna rask røyk i bioen.
Nye plantar er planta i balkongkassar og krukker.

Herr Fryd har vaska på syklar og rydda i garasjen.
Nokre fæle rosebusker (sånne villskudd som berre søren ikkje tar hintet men veks opp att og opp att og opp att...) har fått kjørt seg. Plenen er klipt og kosten har fått kosta litt (det gjenstår ein del...).

Frøken Fryd har med skrekkblanda fryd blitt skitten på kontornevane sine, fått mold under neglene og dei manikyrerte fingrane er blitt litt såre på tuppane og er veldig veldig veldig forskrekka og utfordra. Heldigvis for dei så skal dei få profesjonell hjelp i morgon. Det er viktig med oppfølging veit dåke ;-)

Men, me er i gong og klare for ein herlig sesong!

Velkommen kjære vår, me er SÅ glade for å sjå deg :-)

Jaaaaaaaa!

Det er fredag!
Det er fint vær!
Eg speler favoritt musikken høgt i stova.
Eg har kjøpt knirkande friske tulipanar som ligg og verker etter å komma i vasen sin for å pynta opp i stova til Frøken Fryd.

Eg ser på solnedgangen som lagar nydelig fargar og kjenner at livet det er jammen godt!

Det var i grunnen alt eg har å melda i dag, men eg synest ikkje at det var så værst i grunn.
No skal eg kosa meg med tortilla chips, sjokolade is og nyta alle seriane som eg har gått glipp av i løpet av veka.

O nytelse!

Om lysfontener og slikt...

Det å vera mor er ei magisk reise, alt i frå første anelse om at ein ber på eit nytt liv.
Born er som små lysfontener.
Dei sprer så mykje ubekymra glede og nyskjerrighet på livet.



 

Det som er så utrulig herlig med små born er at dei har følelsane utanpå.
Er dei glade så er det heilt tydelig.
Og er dei sinte så er det overhodet ingen tvil om det!

Jammen hadde det spart oss for mykje tolking og undring om me kunne tatt med oss dette inn i vaksen livet også.



 

I dag er det morsdag. Og lillebror har laga smykke til mamma.
Mimikken er eit eventyr på den guten...
For han er veldig stolt over å ha laga smykket heilt sjølv, og veldig spent på mamma sin reaksjon, samtidig som han sjølv vil skjula dette. Den kampen som foregår i ansiktet der er jo ein opplevelse av dei store, hehe.



 

Ikkje nok med at eg fekk eit flott smykke, møysommelig laga, pynta og pakka inn av verdas skjønnaste lillebror. Eg fekk også ein gnistrande flott bukett beståande av mine favoritt blomar, tulipanar, lyng og fjør.
Ei lysfontene den buketten der også. Og Herr Fryd hadde sjølvsagt fargekoordinert den med dei nye vårlysa som Frøken Fryd har pynta lysfatet med. Det vart berre heilt perfekt!



 

Frøken Fryd likar å samla dill dallet på fat, då er det så mykje lettare å rydda vekk eller til sides, og det er jo praktisk sidan me nyt alle måltid ved spisebordet. Me har ikkje plass til bord på kjøkkenet.

Om du har lyst å sjå fleire lysfat, så kan du klikka deg inn på Fabelaktigbloggen her.
Månadens utfordring hjå Maia er å visa kva me har på lysfatet.

Håper du har hatt ein gnistrande fin søndag!
For det har eg :-)





 

Aks av gull!

I sommar har Familien Fryd vore i Danmark.
For første gong på Danmark ferie, me har vore tre gongar før, så hadde me fint ver.
Og herlighet så godt det er å vera norsk i Danmark...
Eg ELSKER Danmark!
Eg er stort fasinert av naturen i Danmark.
Dei store, nydelige jorda med aks av gull.

Grøftekantar med dei blåaste blå av kornblomster og nydelige valmuer.
Fantastisk! Eg kommenterte dette når me køyrde forbi eine dagen.
Dagen etterpå stoppa Herr Fryd bilen, heilt uoppfordra, og spurte om eg skulle ta bilete.
Og det gjorde eg såklart. Herr Fryd prøvde å snik fotografera meg der eg smøyg rundt i grøftekanten med mobilen og skulle foreviga blomster fryden, med ein litt kranglete vind som motarbeida meg.
Heldigvis så var det berre på liksom, at han tok bilde altså...

Ein av mine favoritt songar då eg var ei ung Frøken Fryd var "Fields of Gold" med Sting.
Og når eg ser desse bileta så minner dei meg om ein nydelig norsk versjon av denne, av Kjell Inge Torgersen med nettopp tittelen Aks av gull. Til å få fred i hjertet av...

Nyt!

Hello Titty!

No er ferien over for Familien Fryd.
Me har hatt fint vær sidan me kom heim i frå Danmarksturen vår,
og har stort sett vore på terrassen.
I frå terrassen så har me utsikt til naboane våre.
Av og til ser me meir enn me hadde forventa.
Eller naboane viser meir enn me vil sjå...

Den eine naboen vår er no døypt om til Hello Titty!
Ho er slik delvis naturist, trur eg... Kun om ettermiddagen om kvelden.
Då er det trusa som gjeld.
Ho har store vindu, og stor, litt sånn tønneforma kropp...

Det er ei stund sidan me første gong oppdaga at me hadde ein Hello Titty nabo.
Faktisk var det Storebror Fryd som først vart ufrivillig vitne til dette.
Han kunne melda at Hello Titty har: "di laaaaange puppene, hu e' så ekkel...øøøh!"
No har Storebror Fryd teflon blikk når det gjeld Hello Titty...
No har ho tatt heilt av...(alt bortsett frå trusa ja) og kvar ettermiddag så lufter ho trusene sine.
Vandrer rundt omkring bak panorama vindauga sine.
Vatnar blomar, ser på tv, klør seg i hekken... ja... stort sett slik som me andre held på, berre ein smule friare.
Ho har heldigvis ikkje kaktusar, med tanke på sidden på puppestellet.

Eg trur egentlig at ho har litt lyst på Herr Fryd.
Og at dette er ein veldig lite diskret måte å visa dette på.
Mulig at eg bør ta opp utfordringa der, eller...

Heldigvis så har me heilt normale naboar også, i stort fleirtal faktisk.
Nokon av dei er faktisk over normalt kjekke. Skikkelig kjekke, også!
Den nydelige buketten dåke ser på bordet har eg fått av ein av desse kjekke naboane.
Meget elskbart å få nydelige, vel-duftande sommarbukettar levert på døra med eit smil.

Korleis er dine naboar?
Sånn egentlig??

Gode venner har gode venner!

Morgonen etter at eg  hadde plukka dei lilla finingane så oppdaga eg at det første Herr Fryd gjorde når han kom opp i stova var å åpna terasse døra og lufta ut. Då måtte eg knisa litt for meg sjølv.
Etter me kom heim frå jobb røyk dei ut på terassen, fulle i ekle små kryp og stanken tok dei med seg. No ligg dei i bio'en og skal bli til jord... Så veit eg det, dei kan få stå i grøfte kanten og gjera seg fine, dei skal få stå...

Eg syntes at eg sa noko som var så smart her ein dag... {kremt}.
Og det er at gode venner har gode venner.

I 99 % av tilfella trur eg at det er sant.
Er du ein god venn, får du gode venner, og gode venner - det vil me jo gjerne ha.

Det handlar om å gi og ta.
Eg er ikkje alltid på topp, og då er det godt ha venner som tar i mot meg på veien ned.
Eller gir meg fart opp bakken.
Og andre gongar, ja så er det min tur til å ta i mot.
Å vera den som tilfører eller gir råd.
Eller berre er der.
Begge rollene er viktige i eit vennskap.

Venner er den familien du velger deg, høyrde eg ein stad.
Og det er mykje sant i det.
Ikkje alle er fødd inn i ein perfekt familie, og då er det ei gåve å kunne bygga seg ein familie av gode venner i staden for. Ein familie med spesielt utplukka medlemmer, som alle utfyller kvarandre.

Har du gode venner?!?


PS! Fant denne artikkelen: Why It Is Hard to Make Friends Over 30

Fin å sjå på...

... men herreminhatt for ei lukt...

Det er ikkje alltid at det du ser er det du får.
Ei heller i blomsterverda...

Så det så.

Dagens visdomsord ;-)

Om leiking

I dag har visst bileta absolutt ingenting med teksten å gjera, men me kan jo leika at dei har det... Eg las nemelig følgande sitat i frå ei meget klok og kreativ flott dama, sjølvaste Astrid Lindgren:

Jeg skulle ønske dagens barn

lekte mer enn de gjør

For den som leker som liten

får en rikdom inni seg

som man kan øse av hele livet

Man bygger opp en varm, hyggelig

verden inni seg

En verden som gir styrke om livet blir vanskelig

Et sted man kan ty til i motgang og sorg

Eg huskar enno Barna i Bakkebygrenda, Madicken, Pippi, Ronja Røverdatter, Emil i Lønneberget... Det var jo så mange herlige eventyr! Og den tv serien om Madicken og Lisabeth - nydelige kjolar, langt krøllete hår, eg var jo heilt bergtatt... Kunne satt meg ned og sett den om igjen og om igjen trur eg :-)

Heldigvis føler eg at mine born, no minstemann da, er flinke og har vore flinke å leika seg. Eldstemann var flink han også, når han var mindre, no er det helst Playstation og pc som gjeld når han ikkje spelar fotball eller heng med kompisane sine. Eg må innrømma at eg snik leika med Barbie dukker til eg var 13 år, hehe, med LÅST dør, skulle søren meg ikkje bli tatt på fersken med slike barnestreker. Og så plutselig så var eg ferdig med det...

Det er artig å observera borna når dei leiker, kor kreative og oppslukte dei er i leiken sin. Og eg finn små lego mannar overalt, inni lyslykter, under duken, bak puter og oppi blomsterpottene. Og mamma mi har lært meg at leiker er ikkje rot, hehe, så då får han vel lov å spre lego'ane litt då - men ikkje hemningslaust. Og han må rydda etter seg, av og til :-)
Er du leiken?

Lyspunkt

Sat i godstolen min og såg på denne vesle Pelargonia finingen.
I ein bitte liten vase.
Men for eit lyspunkt...
Og heilt gratis, har plukka den frå ei krukke på terrassen.

På fredag var me avgårde og henta rolpegutane våre.
Dei har vore på miniferie hos mormor og morfar på naustet.
DET er lyspunkt det, å heilt uoppfordra få god klem av tenåringen,
og av lillebror - som sjølvsagt først skulle late som om eg ikkje skulle få klem...
Luraste smilet, spelar uskuldig. "Ka!?!"

Så rike me er som har slike lyspunkt i livet vårt.
Som har så mykje å vera glade for og setta pris på.
Og ikkje minst, som evner å sjå lyspunkta rundt oss.
For dei er i fleng. Kvar dag!
Den søte gamle mannen som har pynta seg for å gå på butikken...
Ho du handla hos som var ei solstråle.
Ein koselig mail i innboksen.
Eit hysterisk morsomt bilete på Instagram.

Ei gladmelding som gjer at du får tårer av lykke.
At Herr Fryd har kjøpt ein minihøgtaler som eg kan ta med på jobb,
for eg skal vera aleine på jobb denne siste veka før ferien.
At eg har zoom på kameraet slik at dåke ikkje ser den haugen av sokkar som ligg på golvet foran
bordet med lyspunktet på. Dei skal sorterast og parast. Så neste lyspunkt... Å finna rett partner til den sokken som ligg nærast. Hoho :-)

Eg håper at du har mange lyspunkt i livet ditt! Og ikkje minst, at du ser dei :-) Av med solbrillene!

Bloggeblom!

Eg skal ikkje skuldast for å vera første bloggar til mølla når det gjeld 

Corokia'en, sjølvaste bloggeblomen.

Men no er den her. I Fryd Heimen. Og den er fin. Kjempe fin!

Den ser ut til å trivast godt også.

I følge Mester Grønn dama så skal den vera lett å halda i live.

Vel, det vil no visa seg. Den kunne stå både lyst og mørkt.

Igjen, det vil no visa seg... No har eg i alle fall

vaska vindauga til 17. mai, så no får

den lys ;-)

Er eg smart i dag så gjer eg klar 17. mai kleda.

Sånn på normalen så er eg litt sånn i-siste-liten...

Men eg veit at dagen før dagen skal eg laga Dronning Maud pudding

og Herr Fryd skal laga Kvefjord kake, og så lyt jo fin duken

strykast og bordet dekkast - og sko pussast og hår vaskast.

Er du ein tidsoptimist?

Klem Eli

Blomster glede

Litt meir blomar,

dei er jo så fine - dei fortjener oppmerksomheten!

Kva er dine favoritt blomar?

Eg såg nokre lekre anemoner inne hos Lisette

forrige veke, slike MÅ eg berre ha

altså, heilt nydelige!

Blåfargen var så intens og fin,
får dei ikkje ut av hovudet, hehe.

Til helga, då skal eg prøva å få tak
i blå anemoner.
Til helga...

Klem klem :-)

Ølen snop

I bakgrunnen her kan dåke skimta siste tilskudd til sofaen.

Ei fine puta i frå Day Home.
Sjølvsagt kjøpt på Ølen Møbel.
Det beste av alt, den er frå forrige sesong, altså halv pris.
I like! Samme som lampen eg kjøpte, halv pris den også.
Og nei, den er ikkje komt opp enno. Men ein dag... ein dag skal den komma på plass :-)

Og fordi eg er så kjekk og grei så fekk eg lov av meg sjølv å kjøpa råååsa ranuklar på laurdag.

Blir så glad av å sjå på dei!

Ny dag og ny veka, folkens.

Måtte det bli ei ekstra god ei for dåke alle :-)

Velkommen!

"Velkommen på laget", stod det på kortet som eg fekk med blomane
eg fekk av mine nye kolleger på onsdag.

♥

Peoner fekk eg ♥ fantastisk!

Har hatt ei herlig veka i ny jobb! 

Fredag når eg køyrde heim frå jobb så var eg så lykkelig at eg følte at eg sprudla! 

Eg storkoser meg, og føler meg så heldig for å ha fått denne muligheten.

Og faktisk, så gleder eg meg til at det skal bli mandag og eg skal på jobb igjen, tenk det...

Ein deilig søndag ønskas dåke alle!

Duftlilje & lunsj med fine folk!

Jah, eg fortsetter å leika meg

i Photoscape, med montasjer og rammer

og litt snadder. Kjempe kjekt!

Brukar du redigeringsprogram

når du bloggar, om du bloggar då såklart?

Eg er ein veldig utålmodig type, så ting som tar tid

er ikkje blandt mine favoritt sysler. Altså vert det nok ikkje

slik at alle mine innlegg får pynt og rammer og stæsj,

men sånn ein gong i blandt er det jo kjekt å 

gjer det lille ekstra lisom :-)

Kva program er det

du brukar?

I dag skal eg på Ostehuset i Stavanger på lunsj med fine folk,
Ella og Martha - weh! som eg gleder meg :-)
Min siste fri-onsdag før eg går over i 100% stilling.
Skal du noko kjekt i dag?



 

Søndag

Søndag...

Det er ein nydelig og rolig dag.

For oss vert det fotballturnering på Vaulen med lillebror.

Før syntes eg at søndagen var kjedelig, no nyt eg den.

Er du ein søndagselskar?

Blomar, igjen...

 

Er Frøken Fryd bitte litt opphengt

i blomar no når det er vår?

Jepp!

Det er ingenting som

gir meg følelsen av vår

så sterkt som blomar gjer.

Tulipanane på løk er i full blomst . 
Eg har hatt dei ute om natta slik 
at dei skal vara litt lengre.
 Det har fungert veldig
bra, og no er 
dei heilt
nydelige.

Eg er blitt tipsa om at

dei faktisk kan plantast ut

når dei har blømt frå seg, og det

var jo kjempe lurt! Eg gleder meg sånn 

til me skal setta fram hagemøblane igjen. Ut

og handla inn blomar til krukker og balkong

kassar. Grilla middag på terrassen, sova

middag i solstolen. Slåss med måkane

om middagsrestane. Få flis når

me går barbeint. Visa fram

bleike bilringar til

naboen når me 

kastar 

skjorta. 

Jada, me har mykje å sjå fram til dåke :)