Julefri...

Eg har tatt juleferie - og at eg nyter livet er ingen overdrivelse... I går laga eg Rocky Road for første gong, fann oppskrifta inne hos Fru Fjellhammer, og du vidaste all verda - for ein perfekt konfekt!

Eg har tatt litt oppi eit glas så nokon fine folk skal få :) Ellers har eg kosa meg med å pakka inn gåver. I år som i fjor, og året før, er det gråpapir med stæsj som gjeld. Me har hengt opp nye gardiner - nei - ikkje julegardiner - men fine, kviiiite gardiner, og vips så var stova litt ny. Dei var ekstremt longe da, og eg er jo ei klura på symaskin, så eg håper nokon vil hjelpa å legga dei opp. At eg faktisk fekk sysmaskinsertifikatet i 6 klasse er eit mysterium for meg!

Olivia oliventre har fått stjerne- og englepynt på seg og har gitt vekk plassen sin til juletreet som no er komt i hus og på fot. Det er ikkje pynta enno, for det vil Lille Fryden vera med på, og det må han jo få lov til. Tenkte å hiva meg på utfordringa til Helene og Henriette på Snikkerbuo med å visa fram juletreet når det har fått pynta seg. Det må i så fall bli dokumentert i morgon, for då har eg også fri, gitt... Hm, heldig ho der Frøken Fryd altså!

Har vore innom på Fairplay i Østervåg og snopa meg ein Vondeling engel i år, av strutsefjær og streng med perler på. Desse englande sørger for inntekt for heile 17 personar, og det kan ein gjerne vera med å støtta. Erlend lurte på om dei hadde gløymt å laga ansikt på den da, hehe, men heller dette enn eit skummelt fjes ;)

No skal eg trø på  meg støvlar og gå i skogen og finna greiner som eg kan ta med heim og pynta bittelitt med i gongen, aller helst ville eg hatt eit lite tre, eit bitte-bitte lite grantre som eg kan låna nokre veker og så setta på plass att. Men då er det berre til å få the juicy behind med seg på tur i skogen, kom igjen no Eli, 1-2-3 - do it!

Korleis ligg du an, er du i rute?

Julaklem frå Eli