High Tea with the ladies!

iPhone bilde

På laurdag var Frøken Fryd og flotta seg på Gaffel & Karaffel.
Det var tid for High Tea with the ladies!
Å du tiden... som ho farmor ville sagt.
Frøken Fryd følte seg som ei Gudinne!
Først og fremst var selskapet av beste sort, Frøken Fryd sine kjære søskenbarn og tante som utgjer den beste "Vin Gjer Fin" gjengen (jaaa, me sakna dåke mamma, Anne Marie Snill Pie og Lisa).
Omgivelsane var også framifrå med nydelig dekka bord og herlig interiør.

iPhone bilde

Og så kom maten...

iPhone bilde

Det var så delikat og lekkert presentert på etasjefat.
Me fekk søte små sandwicher, quiche, croissant, scones - både grove og fine. Der var gulrotkake, cupcakes, brownies, muffins, sjokoladekjeks, sjokoladekuler... Og me fekk også verdas søtaste små pannekaker, med tre blåbær i kvar. Og til scones'ene var der piska krem, kirsbærsyltetøy og... wait for it... (intern spøk for alle som elskar "How I met your mother")... smelta sjokolade!
Det var akkurat slikt teselskap Frøken Fryd hadde med dokkene sine når ho var liten. Fantasibord!
Litt sånn Alice i Eventyrland aktig - og som sagt, Frøken Fryd følte seg som ei Gudinne... Eller i alle fall som ei prinsesse. Så feminint og fint. Også så godt som det var!! Stønn...

iPhone bilde

Me fekk ein mild og deilig Jasmin te, som du ser på bildet over, med Jasmin blomar oppi.
Og så fekk me champagne... Oh joy! Det bobla både i blodet og i glaset.
For å toppa det heile så var det bryllupsfest i Gaffel & Karaffel sine lokaler i ein av etasjane over oss.
Når bruden kom utav bilen så var det mange henførte sukk og beundrande blikk, det var artig å sjå ansiktene på gjestene på Harry Pepper (som er vis-à-vis), for dei speila ansikta våre... Alle hadde litt fjollete smil og hjerter i augo sine. Alle! Du kunne mest høyra korleis folket stønna: "naaaaaaw...!!"

iPhone bilde

Dette kan eg lova deg var ein suksess!
Mamma, dette skal me! Garantert. Du kjem til å elska det!
Veronica, Tone, Grethe og Kjersti - me skal ha forenings High Tea her, til hausten når sesongen startar att...Banna bein!

Kari, Anita, Turid, Ingebjørg, Else Marie og resten av bonus klubben min - blir det klubbtur til Stavanger så vert High Tea obligatorisk!

Janne, Kari og Else Marie - høyrer eg jentehelg i Stavanger til hausten? MED high tea? Ja?!?

Eg anbefaler altså High Tea på Gaffel & Karaffel på det varmaste. Og no bør eg ha sikra meg ein del laurdagar framover med prinsesse følelsen. Det er i alle fall ikkje siste gongen "Vin Gjer Fin" gjengen skal snadra seg til på ein laurdag på Gaffel & Karaffel, det var me bra enige om.
Dette er IKKJE eit sponsa innlegg, det er berre slik det blir når ein vert heftig og begeistra og er så fornøyd med service, smak, omgivelser - rett og slett den totale pakken!

High five for High Tea - sorry... cheeeeezy, men denne måtte berre komma!

Another one bites the dust!

I helga har Familien Fryd vore på naustet, og heile storfamilien var der!
Fantastisk herlig!
Når storfamilien er samla er stemninga på topp, kreativitet og humor er i høgste grad til stades og rundt spisebordet vart det avgjort at det skulle tevlast om kven som var raskast på 60 meteren...

Vel, it goes without saying at Frøken Fryd overhodet ikkje hadde planar om å delta på denne tevlinga.
Sjølv om det kan vera vanskelig å få auge på så har faktisk Frøken Fryd konkurranseinstinkt.
Faktisk i såpass stor grad at om der ikkje er den minste sjanse til å vinna så stiller ikkje Frøken Fryd til start. Så enkelt er det...

Det vart avgjort at dei tevlande var Storebror Fryd og onkel Henrik.
Tevlinga skulle finna stad påfølgjande dag kl. 16.
The game was on... og så starta utpsykinga...
Frøken Fryd er veldig stolt over Storebror Fryd sin evne til å stå i mot psykisk press ;-)
At han ikkje lot seg vippa av pinnen, hverken av "stikka" frå onkel eller den begeistra "oppbygginga" frå Herr Fryd og Frøken Fryd. Han fekk til og med nye joggesko (ok... han trengte faktisk det da...).

Når det nærma seg start spela Herr Fryd dei fagrasta tonar utanfor soverommet til onkel, der han låg og hadde seg ein liten "styrke søvn";

Yes, for å bygga opp stemninga så slo Herr Fryd til med "Eye of the tiger" som oppvarmings song, og Frøken Fryd lo frydefullt og syntes det stod til. Det var like før ho fann fram hoppetauet og sprang litt opp og ned trappene i rein forventning...

Men så med eitt kom det fagre tonar inne frå rommet til onkel også, som tilsvar... Og når tonane til "Another one bites the dust" med Queen vart identifisert som neste oppvarmningssong frå motstandaren så lo Frøken Fryd så hardt at det muligens kom tre tårer i trusa. Det er faktisk heilt sant...

Vel, med denne oppvarminga måtte det jo berre verta bra! Storebror Fryd og onkel vart fulgt opp til den oppmålte banen akkompagnert av denne songen:

Ja, me kan trygt seia at stemninga stod i taket. Som to sanne fotballentusiastar fekk dei gåsehud begge to  av denne songen, kampånda vart om mogleg enno meir skjerpa... Frøken Fryd fniste fortsatt begeistra og så stilte publikum seg strategisk til langs banen og var klare for dagens tevling. Duellantane hadde seg nokre oppvarmingsrunder, naboane vart totalt satt ut av Storebror Fryd sin forvandling frå rundkinna smågutt til tenåring som no ragar ca. 1.80 over bakken (og viser ingen tegn til å bremsa sånn med det heilt første) og så var det klart...

Moffen var starter, onkel Ole tok tida og klar... ferdig... GÅ!
Avgårde-kåre langa dei ut begge to, som to rasehestar ut i frå startblokka... øh...

(dette er mi næraste og kjæraste slekt, det kan altså ikkje forventas at eg er objektiv)

... og så fekk Storebror Fryd strekk i hekken...

A n t i k l i m a k s ! ! !

For alle andre enn onkel Henrik da...
Han var så fokusert at han merka ikkje at motstandarden ikkje lengre var til stades.
Med armane i været og eit "Yaaaaahh!" kom han først over målstreken og kunne fortsatt klappa seg på brystkassen i visshet om at han er lynrask.

Men, det vert omløp! Storebror Fryd var raskt ute, i den grad den haltande kroppen med hekkestrekk kunne vera rask, og krevde omløp når strekken var over. Så i sommar, ja då lev onkel Henrik sin tittel farlig.

Ein har det ikkje kjekkare enn ein lagar sjølv :-)

Kva hadde du på 60 meteren?? Og har DU konkurranseinstinkt?



 

Mmmm...

Kosemoseoverdose på gang i Fryd heimen... Frøken Fryd har kjøpt gode oster og kjeks og no skal det kosast med ei god venninne på besøk. Medan ein for ein gongs tid er tidlig ute og sit i sofaen og høyrer god musikk, vippar takten med foten og ok da... slever aldri så lite med tanke på osten og kjeksen.

Mja, just sharing :-)

Yndig!

Bilde lånt frå Ynde bloggen

I dag skal eg driva med framsnakking.
Framsnakking av ein yndig blogg!
Ein yndig blogg som er ein av dei faste som eg MÅ innom når eg er på bloggrunde.
Eg er så heldig at eg traff Kjersti som eig bloggen på eit bloggtreff i Ølen.
No gleder eg meg til å treffa ho att når me skal på bloggtreff i Haugesund 1. juni.
Kjersti er like yndig som bloggen, og om du lurer på kva bloggen heiter, ja så er namnet Ynde.

 

Kjersti har ein herlig stil, og ho dekker så fine bord, alt er gjennomført og delikat.
Stemninga er lys og lett både på tekst og bileter, og eit besøk hos Kjersti gjer meg godt. Alltid!
Ja, og så likar eg Kjersti da! Ho er ei klok dame, varm og fin. Eg gleder meg til å bli betre kjent med ho.

Eg vil på det varmaste anbefala ein tur inn på Ynde bloggen, det er til inspirasjon, eg lover!
Alle bileta er i frå Ynde bloggen, og eg har sjølvsagt spurt om lov til å bruka dei :-)
Då gjenstår det kun å ønska deg ei fin stund hjå Kjersti.
Kos deg!

Du e* så fin!

I dag MÅ eg berre dela denne, for den fekk eg klump i halsen av. Det var ikkje ein klump med sjokolade som forsvant så fort i gapet at eg ikkje klarte å svelgja den, nei, det var ein "ups, dette var litt treffande" klump...

Kva seier du?

Nytt innskudd

I går hadde Frøken Fryd et nytt, meget stort innskudd på feel good kontoen sin. Då hadde me nytt treff i "Vin Gjer Fin", denne gongen extended version... Du lurer kanskje på kva Vin Gjer Fin er for noko? Det er altså ein herlig bukett skal eg lova! Frøken Fryd har fire, fantastiske søskenbarn i Stavanger og ei fantastisk tante med det nydelige namnet Eli. Me møtes kvar kalender måned, heime hjå kvarandre, og spis deilig middag, drikk deilig vin og nyt kvarandres selskap.

Nokre gonger i året inviterer me også Stord / Bournemouth gjengen til å vera med oss, altså the extended version. I går var ein slik kveld som du berre ikkje vil skal ta slutt, ein slik kveld der du i rein desperasjon tar "sjøstjerna" i utgangsdøra medan vertinna har to stive armar og ein fot i ryggtavla di for å få deg ut sånn utpå quisten... Det var kanskje å ta litt i... Camilla er altfor skjønn til å gjera slikt, men me ville heilt klart ikkje gå, stemningen var i taket frå start til slutt og Frøken Fryd måtte berre lena seg tilbake og kjenna på kor godt det er å vera omslutta av ein slik gjeng med nydelige damer. Og tenk, dette er damer frå frøken Fryd sin næraste familie, og me berre elsker å vera i lag! Det er ein rikdom som overgår veldig mykje, faktisk. Me er som ein gjeng med venninner, eldstedame er 64 og yngstedame er 19, praten går og humøret består og me ler og skravler og skjenker på vin og nyt deilige måltid. What's not to like?

Jepp, så eit godt innskudd er altså satt inn på feel good kontoen frå i går. Og i dag, ja i dag kom det enno eit innskudd... Shopping med mammo, inkludert kafé besøk og så ein liten sjarmør etappe til tante. Aaaaah, life is good!

Fortsatt god helg godt folk :-)

Feel good konto

Bilde via

I dag har eg åpna ein ny konto.
Ein FEEL GOOD konto...
Eg har utfordra meg sjølv til å setta inn minst ein god følelse på kontoen kvar dag.
Det er ingen begrensningar på kor mange gode følelser eg kan setta inn og den blir aldri tom, sjølv om eg tar ut dei gode følelsane og ruller meg bittelitt i dei.

Bilde via

Dagens innskudd består av den gode følelsen eg fekk då eg fant løysinga på noko eg hadde gjort feil, altså ein skikkelig "bæsje-på-leggen" feil som vart ordna opp i, den forløysande følelsen når det ordner seg... det er type super innskudd på kontoen. Utover det har eg satt inn ein ekstra god Lillebror klem,  solskinn frå den fine og solrike dagen som me har hatt og endorfinane i frå spinningtimen som eg likevel gjekk på - sjølv om det hadde passa meg betre å la det være.

Bilde via

Inspirasjonen fekk eg då eg las skjønne Lillian sitt blogginnlegg om det å ha tru på seg sjølv og andre. Det er eit emne som ligg meg tett på hjarta, for eg kan vera ein skikkelig bitch med meg sjølv og passa på å halda meg sjølv godt nede. Då er det viktig å ha ein feel good konto med ubegrensa uttak tenkte eg, og som tenkt så gjort. Kontoen er åpna, og eg må seia meg godt nøgd med dagens innskudd.

Tar du utfordringa? Eller har du alt ein feel good konto, kanskje? Kva har du på kontoen?

Bilde via

Vondt i beina av Converse?

Eg er ein fersk Converse brukar, har berre hatt dei i litt over eit år, men eg kjente fort at dei er ganske flate og fæle å gå langt i, så eg kjøpte med nokre geleputer til å legga inni. Men no har eg funne ei anna, litt meir praktisk og stilig løysing, slik som ungdommen likar...

Så berre som eit tips til deg, sjekk ut www.tailoredfortaylor.com for å gjera vår-beina dine litt gladare, sjølv om det faktisk snør her i Stavanger i dag (!!!) så har eg no starta Converse sesongen.

Dette er IKKJE eit sponsa innlegg, berre eit tips ;-)

Lukka er...

Eg fekk ein gong høyra at noko som er kjekt med Frøken Fryd bloggen er at eg ikkje skriv slike "lukka er..." innlegg, men altså, i dag kjem det eit!

Me har vore på Gran Canaria i påsken og gjett om me har kosa oss?!? Sol, sol, sol kvar dag. Varmt og deilig. Ingen plikter. Har ikkje laga eit einaste måltid utanom ein frukost og to... Resten har me spist ute. Så mykje har me lagt att av Euro at daglig leder på stamplassen (Giovanni) har invitert oss i bursdagsselskapet til kona i sommar, bassengfest og så grillings. Heilt sant... For me reiser nemelig tilbake i sommar. Jepp. Til samme staden. Samme hotell. Samme strand. Og det vert spist hovedsakelig på samme stamplassen.






Kjedelig sa du?

Ikkje for oss. For oss er dette lukka. Fri staden. Ferien med stor F. Avslappings. Nytings. Solings. Badings. Sjølvsagt kjem me med tid og stunder til å utforska nye stader, strender, byar og potensielle nye stamplassar. Men no, no nyt me tryggleiken med å veta kva me går til og kva me får. Ungane er kjende med staden, me har vore der fire gongar til no. Lillebror Fryd skal gifta seg med dattera til Giovanni og det er like stor stas å sjå smilet hans kvar gong når me er attende. Han fekk den beste klemmen av Lillebror Fryd då me reiste på laurdag, ein slik tillitsklem som born gir til dei som dei er glade i. Lillebror Fryd lente seg inntil med kinnet og klemte godt med begge armane, Frøken Fryd fekk klump i halsen og tårer bak solbrillene. Muligens hadde det også noko med at Frøken Fryd slett ikkje ville at ferien skulle vera over for denne gong. Men slik var det altså.

Heldigvis så har me fått to flotte påskedagar heime på terrassen også før me no skal til med kvardag igjen. Men me har så mykje kjekt å sjå fram til, alle fire, og det er så godt å tenka på. Det å gleda seg til noko er mest over halve moroa for min del. No er det vår, krokusane blømer i beddet, fuglane syng. Det er lyst lengre, og lysare skal det bli, og varmare... Mai er reine festen når det gjeld fri-dagar. Så kvardag; bring it on. Eg er klar... trur eg...